Татар дөньясы 23 гыйнвар 2024 11:43

Самарада «Туган тел» татар иҗтимагый оешмасы төзелүгә 35 ел тулды

Скопировать ссылку

Быел «Туган тел» Самара татар иҗтимагый оешмасы төзелүгә 35 ел тула. 1989 елның 21 гыйнварында Куйбышев Яшьләр йортында шәһәр татар җәмәгатьчелегенең беренче җыелышы була. Анда 200дән артык кеше катнаша. Бу хакта «Самара татарлары» яза.

Җыелышта татар берләшмәсен булдыру турында карар кабул ителә, аның төп бурычы — алда торган проблемаларны хәл итү өчен татар җәмәгатьчелегенең тырышлыкларын координацияләү дип игълан ителә.

35 елдан соң, шулай ук 21 гыйнвар көнне, Самара өлкәсе «Халыклар дуслыгы йорты» дәүләт казна учреждениесендә «Туган тел» оешмасының җыелышы узды. Анда әлеге җәмгыятьне булдыруда башлап йөргән ветераннар, хәзерге вакытта эшләп килүче татар милли берләшмә җитәкчеләре чакырылды.

Чарада Самара өлкәсе мөселманнары Диния нәзарәте рәисе, мөфти Талип хәзрәт Яруллин да катнашты. Ул «Туган тел»гә нигез салучыларга энтузиазм һәм фидакарьлекләре өчен рәхмәт белдерде. Алар ярдәмендә милли-мәдәни хәрәкәтне торгызу өчен күп нәрсә эшләнгән. Алар Куйбышевта татар телендә газета, күпмилләтле «Радио-7» не ачуга, «Яктылык» татар мәктәбен ачу, Самара Җәмигъ мәчете төзелүгә ирешкән, татар милли бәйрәмнәрен үткәрүне тергезгән, диелә хәбәрдә.

#Самара татарлары

Сәхифәләр

Самарада «Туган тел» татар иҗтимагый оешмасы төзелүгә 35 ел тулды