Татар дөньясы 19 февраль 2019 08:47

Самарада “Татар кызы-2019” бәйгесенең төбәк финалы июньдә булачак

Бөтендөнья “Татар кызы-2019” бәйгесенең финалы Удмуртия Республикасының Ижевск шәһәрендә 27 сентябрьдә үтәчәк.

Скопировать ссылку

(Казан, 19 февраль, "Татар-информ"). Самара өлкәсендә Бөтендөнья “Татар кызы-2019” бәйгесенең төбәк финалын июньдә үк оештырырга җыеналар. Чара 15 июньдә Самараның Тимер юлчылар мәдәният сараенда булыр дип ниятләнә. Бу турыда Самара татарлары сайты хәбәр итә.

"Бәйгедә Самара өлкәсендә яшәүче йөзгә чибәр, буй-сынга зифа, эшкә уңган һәм татар телебезне, гореф-гадәтләребезне, йолаларыбызны, мәдәниятебезне һәм тарихыбызны яхшы белүче 18-25 яшьлек туташлар катнаша ала", диелгән әлеге хәбәрдә.

"Бөтендөнья “Татар кызы-2019” бәйгесенең финалы Удмуртия Республикасының Ижевск шәһәрендә 27 сентябрьдә үтәчәк. Ә төбәк этаплары 1 августка кадәр уздырылып бетергә тиеш", - дип аңлаткан Самарада чараның төп оештыручысы, өлкә “Туган тел” татар җәмгыяте президенты Ильяс Шәкүров.

Бәйгенең cайлап алу турлары Самарада, Сызраньда, Новокуйбышевск шәһәрендә узачак. Тольяттида кастинг 24 февральдә шәһәр милли-мәдәни татар автономиясе бинасында була.

#татар кызы #самара татарлары

Сәхифәләр

Самарада “Татар кызы-2019” бәйгесенең төбәк финалы июньдә булачак