Самара мөселманнарын Корбан бәйрәменә багышланган гаилә фестиваленә чакыралар
Скопировать ссылку
Самара өлкәсе мөселманнары Диния нәзарәте Корбан гаетенә багышланган зур гаилә фестивале оештыра. Чара 30 майда 10:00-15:00 сәгатьтә узачак. Бу хакта Самара татарлары милли-мәдәни автономиясе хәбәр итте.
Фестиваль программасы:
- Спорт уеннары һәм кызыклы викториналар;
- Интерактив мәйданчыклар һәм мастер-класслар;
- Милли ризык — пылау белән сыйлану;
- Бүләкләр – велосипедлар уйнату.
Керү ирекле. Кунаклар шулай ук күмәк намазга кушыла алачак, ди оештыручылар.
Фото: Самара татарлары милли-мәдәни автономиясе