Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самарада борынгы мәчетне реконструкцияләүне язга тәмамларга планлаштыралар
Самарадагы тарихи мәчет 1891 елда Сембер фабриканты Тимербулат Акчурин акчасына төзелә. Узган ел аңа 130 ел тулган.
(Казан, 19 февраль, «Татар-информ»).16 февральдә Самара өлкәсе губернаторы Дмитрий Азаров төбәк башкаласындагы тарихи мәчетне реконструкцияләү мәсьәләсе буенча киңәшмә үткәргән. Киңәшмәдә губерна мөселманнарының Диния нәзарәте һәм бизнес вәкилләре дә катнашкан. Бу хакта Самара татарлары сайты яза.
- Самарадагы тарихи мәчет 1891 елда Сембер фабриканты Тимербулат Акчурин акчасына төзелә. Совет власте елларында биредә балалар бакчасы урнаша. Ә 17 ел элек мәчет дин тотучыларга кире кайтарыла.
Мәдәни мирас объектын масштаблы реконструкцияләү берничә ел элек башланган. Бу еллар эчендә мәчетнең нигезе ныгытылган. Тарихи өлешкә өстәп гөмбәзле ике катлы бина һәм 38 метрлы манара төзелгән.
Ремонт эшләре вакытында да мәчет эшләвен дәвам итә. Узган ел эшләрне башкару өчен өлкә бюджетыннан 34 миллион сум бирелгән. Тагын 9 миллион сумга якын акчаны хәйриячеләр биргән, диелгән хәбәрдә. Самара өлкәсе мөселманнарының Төбәк диния нәзарәте рәисе Талип Яруллин әйтүенчә, реконструкцияне тәмамлау өчен эшмәкрләрнең ярдәме кирәк.
Узган ел тарихи мәчеткә 130 ел тулган. Әмма коронавирус пандемиясе аркасында тантаналы чараларны кичектерергә туры килгән.
Очрашу вакытында «Самара тарихи мәчете» җирле мөселман дини оешмасы берлеге рәисе урынбасары Усман Илингин тарихи мәчет янындагы территорияне үстерүнең перспективалы планнары турында да сөйләгән. Регион, шәһәр хакимиятләре белән берлектә якын-тирә территорияне төзекләндерү проекты эшләнә.
Кызыклы яңалыкларны күзәтеп бару өчен Телеграм-каналга язылыгыз