news_header_top_970_100
news_header_bot_970_100

Самара татарлары ветераннарны Җиңү көненә багышланган мәҗлескә җыйган

Мәҗлестә Җиңү бәйрәме һәм аны яулаган ветераннар хөрмәтенә изге Коръәннән сүрәләр укыганнар.

(Казан, 7 май, "Татар-информ"). Бүген Самара шәһәре Җәмигъ мәчетендә ветераннар өчен Җиңү көненә багышланган тантаналы мәҗлес узган. Бу турыда Самара татарлары сайты хәбәр итте.

Бәйрәм табынына йөздән артык сугыш һәм хезмәт ветеранын чакырганнар. "Мактаулы кунаклар исемлегендә шулай ук татар милли хәрәкәтенең әйдаманнары да булды. Җәмигъ мәчетенә иганәчелек күрсәткән эшбатырлар да түр башында утырдылар", диелгән әлеге хәбәрдә.

Мәҗлестә Җиңү бәйрәме һәм аны яулаган ветераннар хөрмәтенә изге Коръәннән сүрәләр укыганнар. Аларга исәнлек һәм озын гомер теләгәннәр. Сугыш кырында ятып калганнар рухына дога кылганнар.

Ветераннарның күбесе мәчет һәм мәхәллә тормышында актив катнашалар, диелгән бу хәбәрдә.

news_right_column_1_240_400
news_right_column_2_240_400
Медиаметрикс
news_bot_970_100