Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Самара татарлары» сайты 10 еллыгын бәйрәм итә
22 октябрьдә Самара шәһәренең «Заря» мәдәният йортында «Самара татарлары» интернет-порталының 10 еллыгына һәм «Самара татарлары» журналының 11 еллыгына багышланган бәйрәм була. Бу хакта «Самара татарлары» сайтында хәбәр ителә.
«Самара татарлары» порталы шушы вакыт дәвамында Самара татар җәмгыятенең дөнья челтәрендәге интернет-вәкиллеге булып тора. Анда Самара шәһәре һәм Самара өлкәсе территориясендә яшәүче татарларның тормышы турында оператив хәбәр ителә, диелә.
«Самара татарлары» журналы Россия төбәкләрендә квартал саен чыга торган рус һәм татар телләрендәге бердәнбер төсле басма. Ул шактый кыска вакытта Самара өлкәсе һәм Россия территориясендә һәм аннан читтә дә даими укучысын тапкан. Журналның һәр саны почта аша Россиянең иң зур китапханәләренә, безнең ил, якын һәм ерак чит илләр территориясендәге татар милли берләшмәләренә җибәрелә, Самара өлкәсе мәктәпләренә һәм китапханә челтәренә бушлай тапшырыла.
Тантаналы чара программасында Самараның «Ялкынлы яшьлек», «Идел» иҗат коллективлары, «Яктылык» мәктәбе балалар коллективлары, «Заман» фольклор ансамбле һәм Казан кунаклары Гөлсирень Абдуллина һәм Азат Абитов чыгышлары планлаштырылган, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз