Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самара шәһәренең Киров базарында яңа намаз бүлмәсе ачылды
Самара өлкәсе мөселманнары Диния нәзарәте рәисе, мөфти Талип хәзрәт Яруллин һәм Диния нәзарәте секретаре Наил хәзрәт Сөләйманов Самара шәһәренең Киров базарында намаз уку бүлмәсендә булды.
Моңа кадәр намаз бүлмәсе урнашкан бина реконструкцияләнү сәбәпле, җимерелгән һәм базар администрациясе дин тотучыларга яңа җир кишәрлеге бүлеп биргән. Шактый кыска вакытта биредә яңа намаз бүлмәсе һәм тәһарәт алу бүлмәсе төзелгән. Бу хакта «Самара татарлары» сайтында хәбәр ителә.
Талип хәзрәт мәхәллә халкы белән өйлә намазын укыды, аннары алар белән аралашты һәм кызыксындырган сорауларына җавап бирде.
Мөфти мәхәллә кешеләренең игътибарын Россия территориясендә яшәүче халыкларның мәдәниятен һәм гореф-гадәтләрен хөрмәт итәргә, эшләрдә һәм сүзләрдә дөрес булырга, законнарны бозмаска кирәклегенә юнәлтте. Талип Яруллин барлык җыелучыларны да үзләренең һәм якыннарының сәламәтлегенә җаваплы карарга, Самарада кызамык белән бәйле катлаулы хәлләрне исәпкә алып, вакцинация узарга чакырды.
Самара өлкәсе мөселманнарының төбәк дини идарәсе исеменнән мөфти намаз уку бүлмәсен төзегәндә аеруча тырышлык күрсәткән гражданнарга Рәхмәт хатлары тапшырды.
Кызыклы яңалыкларны күзәтеп бару өчен Телеграм-каналга язылыгыз