Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самараның Гагарин исемендәге паркында өлкә Сабан туена егерме меңнән артык кеше килде
4 июньдә Самара шәһәренең Юрий Гагарин исемендәге паркында өлкә Сабан туе узды. Бу хакта Бөтендөнья татар конгрессының матбугат хезмәте хәбәр итә.
Бәйрәмдә 20 меңнән артык кеше катнашты. Быел Самарада Сабан туен 33нче тапкыр билгеләп үттеләр. Бәйрәмне Бөтендөнья татар конгрессының Милли шура әгъзасы Фәхретдин Канюкаев җитәкчелегендәге Самараның «Дуслык» төбәк иҗтимагый оешмасы үткәрде.
Сабан туенда Татарстаннан килгән кунаклар: Бөтендөнья татар конгрессы Башкарма комитеты рәисе урынбасары – аппарат җитәкчесе Фәрһад Латыйпов, Азнакай муниципаль районы башлыгы Марсель Шәйдуллин һ.б. бар иде.
Фәрһад Латыйпов халыкны ТР Премьер-министры урынбасары, Бөтендөнья татар конгрессының Милли шура рәисе Васил Шәйхразыев исеменнән сәламләде. Ул татарлар күпләп яши торган урыннарда мондый чаралар үткәрүнең әһәмиятен билгеләп үтте һәм барысын да Сабан туе белән тәбрик итте.
Шулай ук Фатих Мортазин исемендәге премияләр, Самара өлкәсе губернаторының мактау билгеләре дә тапшырылды. Бөтендөнья татар конгрессы аппараты җитәкчесе татар мәдәниятенең атказанган эшлеклеләрен конгресс медальләре белән бүләкләде.
Кызыклы яңалыкларны күзәтеп бару өчен Телеграм-каналга язылыгыз