Дин 8 октябрь 2023 15:02

Самара өлкәсендә гаилә кыйммәтләренә багышланган мөселман форумы була

Скопировать ссылку

14 октябрьдә Самарада «Традицион гаилә кыйммәтләре һәм хокукый нигезләр» мәдәни-агарту мөселман форумы узачак. Бу хакта «Самара татарлары» сайтында хәбәр ителә.

Чараны Самара өлкәсе мөселманнары Диния нәзарәте, Халыкара ислам бизнесы ассоциациясе, «Болгар мирасы» фонды, «Бердәмлек» гаилә ярдәм үзәге оештыра.

Ул гаилә кыйммәтләрен торгызу һәм саклау, мөнәсәбәтләрне ныгыту максатыннан үткәрелә.

Чара программасында гаилә мөнәсәбәтләре культурасының актуаль темалары, ата-аналарның һәм балаларның хокуклары һәм бурычлары, никах һәм аерылышу, ата-бабаларыбыз гореф-гадәтләрен саклауның һәм сәламәт яшь буын тәрбияләүнең әһәмияте турында сүз барачак.

Анда спикерлар Самара өлкәсе мөфтие Талип хәзрәт Яруллин, Наил хәзрәт Биктаев, Ислам хәзрәт Яруллин, Әхмәд Әбү Яхья, Рөстәм Габделхаков, Дилфүзә Асанова, Мансур Усманов чыгыш ясаячак, диелә хәбәрдә.

#Самара татарлары

Сәхифәләр

Самара өлкәсендә гаилә кыйммәтләренә багышланган мөселман форумы була