Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самара өлкәсе Камышлы районында Сәйф Сараига багышланган очрашу булды
Бүген, 21 мартта, Самара өлкәсенең Камышлы районы китапханәсендә журналист, тарихчы, туган якны өйрәнүче, күпсанлы мәкаләләр авторы һәм Самара татарлары тарихы турында берничә китап авторы Шамил Галимов белән Сәйф Сараига багышланган очрашу узды. Бу хакта Самара өлкәсе Камышлы районының «Вконтакте» социаль челтәрдәге төркемендә хәбәр ителә.
Очрашуга туган якны өйрәнүчеләр, Камышлы районы тарихчылары, татар теле укытучылары, мәдәният хезмәткәрләре, үз халкы, үз милләте тарихына битараф булмаган кешеләр чакырылган иде. Шамил Галимов татар халкы тарихы турында яңа мәгълүмат бирде, татар шагыйре Сәйф Сараиның тормышын һәм иҗатын өйрәнү буенча башланган эшне дәвам итүне сорады, диелә хәбәрдә.
Сәйф Сараи - Алтын Урда чорының бөек татар шагыйре. Үз чорында ул танылган шагыйрь була, әмма соңрак аның иҗаты озак вакытлар татар укучысына билгеле булмый.
Бүгенге көндә татар шагыйренең тормышын, иҗатын өйрәнүче галимнәр Сәйф Сараиның Самара краеның Камышлы җирендә туган дигән фикердә килешә. Бу мәсьәлә белән Самара өлкәсе тарихчылары һәм туган якны өйрәнүчеләре шөгыльләнә.
Очрашуда һәр кеше татар халкының тарихы турында кызыклы мәгълүмат белән уртаклашты. Камышлы җирендә шагыйрьгә багышланган фәнни конференция үткәрү мәсьәләсе дә яңгырады. Эшлекле очрашуда һәркем үз халкының тарихы, традицияләре турында яңа мәгълүмат белән танышты, диелә хәбәрдә.
Кызыклы яңалыкларны күзәтеп бару өчен Телеграм-каналга язылыгыз