news_header_top
16+
news_header_bot
news_top

Самара өлкәсе Камышлы авылында балаларга татар халкы гореф-гадәтләре турында сөйләделәр

«Нык гаилә – көчле Россия» Бөтенроссия акциясе кысаларында, Самара өлкәсе Камышлы авылы гомуми урта мәктәбендәге «Березка» балалар бакчасында балаларга рухи-әхлакый тәрбия бирүгә багышланган «Татар халкының гореф-гадәтләрен белик» дигән танып белү сәгате узды. Бу хакта «Самар татарлары» сайты хәбәр итә.

Балалар татар халкының традицияләре һәм йолалары турында белемнәрен тулыландырды, күп кенә йолаларның әлегә кадәр кызыгы бетмәве һәм буыннан-буынга тапшырылуы хакында белде.

Чара барышында балалар «Татар йорты» мини-музеенда булды. Биредә милли татар ризыкларын искә төшерделәр, татар халкының милли киемнәре һәм милли бизәкләрнең үзенчәлекләре хакында сөйләделәр, диелә хәбәрдә.

news_right_1
news_right_2
news_bot