Җәмгыять 25 август 2018 11:50

Самара өлкәсендә Бөтенроссия авыл Сабан туена әзерләнәләр

Бөтенроссия авыл Сабан туенда рекордлы санда кунаклар булуы, утыз төбәктән берничә мең кеше килүе көтелә.

Скопировать ссылку

(Казан, 25 август, «Татар-информ»). Самара өлкәсендә X Бөтенроссия авыл Сабан туена әзерлек башлана. Ул киләсе җәйдә Камышлы районында узачак. Бу хакта Самара татарлары сайты хәбәр итә.

Агымдагы елның 28 августында Самара өлкәсе Камышлы муниципаль районында өлкә губернаторы администрациясе җитәкчесе вазифаларын башкаручы Дмитрий Холин рәислегендә күчмә киңәшмә узачак. Анда Самара өлкәсендә X Бөтенроссия авыл Сабан туе әзерлек һәм үткәрү мәсьәләләре буенча фикер алышачаклар.

Бөтенроссия авыл Сабан туенда рекордлы санда кунаклар булуы, утыз төбәктән берничә мең кеше килүе көтелә. Бәйрәм тантанасына Татарстан Республикасы Президенты Рөстәм Миңнеханов та чакырылачак, диелгән әлеге хәбәрдә.

#самара татарлары #Бөтенроссия авыл Сабан туе

Сәхифәләр

Самара өлкәсендә Бөтенроссия авыл Сабан туена әзерләнәләр