Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Самара өлкәсе Отрадный шәһәрендә мәчет төзелә
Төзелеш эшләре төгәлләнүгә таба бара.
(Казан, 26 гыйнвар, “Татар - информ”). Самара өлкәсе Отрадный шәһәрендә мәчет төзелү эше тулы көчкә бара. Нигезе үткән җәйдә салынган иде, дип хәбәр итә "Бөтендөнья татар конгрессы" сайты.
Декабрь ахырында мәчет бинасының түбәсе ябылып бетте. Тәрәзәләр куярга, газ, электр уты уздырып, җылы кертергә калды, эчке эшләрне дәвам итәсе бар.
Мәчет төзелешендә түбә ябарга Похвистнево районының Гали авылы егетләре — агалы-энеле Равил һәм Раил Насыйровлар алынды. Аларга Похвистнево шәһәреннән ике рус егете ярдәм иттеләр. Равил һәм Раил — тәҗрибәле эшчеләр, Самарада, тирә-як авылларда яңа төзелгән мәчетләрнең түбәләрен ябуда, иске түбәләрне сипләүдә зур изге эш башкарганнар.
Отрадныйда яшәүче дин кардәшләребез мәчетнең ишекләре ачылуын зарыгып көтә, ул иман нуры белән тулып, халыкны берләштерүче үзәккә әверелер дип өметләнәләр.
Кызыклы яңалыкларны күзәтеп бару өчен Телеграм-каналга язылыгыз