Самара өлкәсе Халыклар дуслыгы йорты Нәүрүз бәйрәменә чакыра
Бәйрәмдә тематик күргәзмәләр, интерактив экскурсияләр оештырылачак.
(Казан, 9 март, «Татар-информ»). Агымдагы елның 18-21 мартында Самара өлкәсе Халыклар дуслыгы йортында яз бәйрәме – Нәүрүзгә багышланган чаралар уза. Чараларның максаты - Россия милләтләре бердәмлеген ныгыту һәм Самара өлкәсендә яшәүче халыкларның этномәдәни үсешенә булышу. Бу турыда Самара өлкәсе Халыклар дуслыгы йорты матбугат хезмәте хәбәр итә.
Бу көннәрдә бәйрәм традицияләренә багышланган тематик күргәзмәләр, интерактив экскурсияләр оештырылачак. Аларны җирле һәм төбәк иҗтимагый берләшмәләре активистлары үткәрәчәк. Чараларга Самара һәм Самара өлкәсе белем бирү оешмалары укучылары һәм студентлары чакырыла.