Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Салым түләү срогы ахырына якынлаша
Казан халкы барлыгы 750 мең сум салым түләгән
(Казан, 13 октябрь, “Татар-информ”, Лилия Локманова). Транспорт, милек һәм җирдән кулланган өчен салымнар түләү срогы тәмамланып килә. Бәйрәм һәм ял көннәрен дә исәпкә алып, транспорт һәм милек салымын түләү 5 ноябрьгә , ә җирдән кулланган өчен салымны түләү 17 ноябрьгә кадәр дәвам итәчәк.
Бу хакта бүген Казан җитәкчелегенең мэр Илсур Метшин рәислегендә узган “эшлекле дүшәмбе” киңәшмәсендә РФ федераль салым хезмәтенең ТР буенча идарәсе җитәкчесе урынбасары Чулпан Госсамова хәбәр итте.
Бүгенге көнгә Казанда яшәүчеләр 750 миллион сум күләмендә салым түләгән. Шуларның 500 миллионы — транспорт, калганы исә милек һәм җир өчен түләнгән салым.
“Кызганыч, бу көтелгәннең яртысыннан да азрак. Якын көннәрдә казанлыларга салымнарын түләп бетерергә кирәк. Салымны почта хезмәте, банклар, Электрон Хөкүмәт терминаллары һәм http://www.nalog.ru сайты аша да түләргә мөмкин. Моның өчен сайтта шәхси кабинетыгызны гына булдырырга кирәк. Әлеге шәхси кабинет аша шәхси милек хакында барлык мәгълүматны алырга, квитанцияне чыгарырга, салым түләргә була”, - диде Чулпан Госсамова.
Салым түләргә кирәклеге хакындагы хатны ниндидер сәбәпләр нәтиҗәсендә югалткан очракта, аны теркәлү урынының салым хезмәтеннән алырга мөмкин.
Кызыклы яңалыкларны күзәтеп бару өчен Телеграм-каналга язылыгыз