Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Салым түләүдән качкан эшмәкәргә өч елга кадәр ирегеннән мәхрүм ителү куркынычы яный
«П.В. Дементьев исемендәге агрофирма» ҖЧҖ җитәкчесенә карата «Оешма яки шәхси эшмәкәрнең салым, җыем, иминият взнослары түләнергә тиешле акчаларын яки мөлкәтен яшерү» маддәсе буенча җинаять эше кузгатылган.
(Казан, 25 март, «Татар-информ», Полина Шевчук). Салым оешмаларыннан 2,8 млн салым түләүдән качып калган өчен, ТР эшмәкәренә өч елга кадәр ирегеннән мәхрүм ителү куркынычы яный. Бу хакта «Татар-информ»га ТР буенча Эчке эшләр министрлыгының матбугат хезмәтендә сөйләделәр.
ТР буенча Эчке эшләр министрлыгының Икътисади куркынычсызлык һәм коррупциягә каршы көрәш идарәсе хезмәткәрләре ачыклаганча, республиканың Чүпрәле районындагы бер компания башлыгы, салымнар буенча бурычлары булган килеш, 2,8 млн сумга якын акча яшергән.
« П.В. Дементьев исемендәге агрофирма» ҖЧҖ җитәкчесенә карата «Оешма яки шәхси эшмәкәрнең салым, җыем, иминият взнослары түләнергә тиешле акчаларын яки мөлкәтен яшерү» маддәсе буенча җинаять эше кузгатылган», — дип сөйләде агентлыкка РФ Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий.
Әгәр авыл хуҗалыгы предприятиесе башлыгының гаебе исбатланса, аңа 3 елга кадәр ирегеннән мәхрүм ителү куркынычы яный.
Кызыклы яңалыкларны күзәтеп бару өчен Телеграм-каналга язылыгыз