Салмачыдагы хостелда янгын чыккан, зыян күрүчеләр бар
- ВКонтакте
- Telegram
- РћРТвЂВВВВВВВВнокласснРСвЂВВВВВВВВРєРСвЂВВВВВВВВ
- РњРѕР№ Р В Р’В Р РЋРЎв„ўР В Р’В Р РЋРІР‚ВВВВВВВВРЎР‚
Скопировать ссылку
Узган төндә 112 бердәм номерына Салмачы торак массивының Тынычлык урамында урнашкан хостелда янгын чыгуы хакында хәбәр килгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.
Фото: © Россия Гадәттән тыш хәлләр министрлыгының ТР буенча Баш идарәсе матбугат хезмәте
Урынга килгәч, янгын сүндерүчеләр ике катлы кирпеч йортның чарлагына ут кабуын ачыклаган. Бинадан 14 кеше урамга чыгып өлгергән. Янгынның мәйданы 50 квадрат метр тәшкил иткән.
Соңрак ут белән көрәшүчеләр янгынны сүндергән.
Фото: © Россия Гадәттән тыш хәлләр министрлыгының ТР буенча Баш идарәсе матбугат хезмәте
Нәтиҗәдә, 24 яшьлек егет зыян күргән. Яну продуктлары белән агуланган егет хастаханәгә барудан баш тарткан.
Хәзер янгынның сәбәбен ачыклыйлар. Якынча мәгълүматлар буенча, янгын электр җиһазын файдалану кагыйдәләрен бозу аркасында чыккан.