Салмачы бистәсендә авариядә бер кеше һәлак булган һәм биш кеше зыян күргән
Скопировать ссылку
Салмачы бистәсендә үлемгә китерүче юл-транспорт һәлакәте булган. Шәһәр дәүләт автоинспекциясендә хәбәр итүләренчә, авария Үзәк урамындагы 181 нче йорт каршында булган.
Беренчел мәгълүматлар буенча, «Лада» һәм Renault машиналары бәрелешкән. Ике машинаның да тизлеге бик югары булган. Машиналарның берсе хәтта яна башлаган.
Фото: © шаһитләр
Юл-транспорт һәлакәтендә Россиядә җитештерелгән машина йөртүчесе һәлак булган. Renault машинасындагы өч ир-ат, хатын-кыз һәм бала төрле җәрәхәтләр белән хастаханәгә озатылган.