Салих Сәйдәшев музее ишегалдында «Тиз танышулар» кичәсе узачак

Скопировать ссылку

14 июньдә 19:00 сәгатьтә Салих Сәйдәшев музее ишегалдында «Тиз танышулар» кичәсе узачак. Бу — ачык һавада үтә торган җылы һәм камералы формат: җанлы музыка, җәйге атмосфера, татар рухы һәм җылы әңгәмәләр. Бу хакта Татарстан Милли музее матбугат хезмәте хәбәр итә.

Чара ничек узачак:

килүгә бейдж һәм хуш исле татар чәе аласыз;
бер-берегез белән берничә минут дәвамында күзгә-күз аралашасыз;
махсус картада үзегезгә ошаган кешеләрне билгелисез;
әгәр симпатия җаваплы булса — без сезгә бер-берегезнең элемтә мәгълүматларын җибәрәчәкбез.

Катнашучыларны нәрсә көтә:

Казан үзәгендә урнашкан ишегалды;
йөрәк тибешен яшерерлек җанлы музыка;
аралашу өчен кызыклы һәм гадәти булмаган темалар;
аралашуны дәвам итәргә теләүчеләр өчен ирекле формат.

Катнашучыларның яше — 27-40 яшь.

Урыннар саны чикләнгән. Катнашу өчен анкета тутырып җибәрергә кирәк.

Сәхифәләр

Салих Сәйдәшев музее ишегалдында «Тиз танышулар» кичәсе узачак