Салих Сәйдәшев музеенда заманча технологияләр ярдәмендә ясалган экспонатлар урын алачак
Музейның яңартылган бинасы 3-5 ел эчендә әзер булыр дип көтелә.
(Казан, 2 март, “Татар-информ”, Алмаз Шиһабетдинов). Салих Сәйдәшев музееның яңартылган бинасында заманча технологияләр ярдәме белән ясалган һәм элеккеге экспонатлар урын алачак. Бу хакта “Татар-информ” хәбәрчесенә Салих Сәйдәшев музее директоры Эльвира Низаметдинова хәбәр итте.
“Музейда яңа технологияләр ярдәмендә ясалган күп кенә экспонатлар булачак. Шул исәптән элеккеге әйберләр дә сакланып калачак”, - диде директор.
“Музей музыкаль формада булачак. Монда “Зәңгәр шәл” спектакле күренешләрен, шулай ук опера һәм балетны сурәтләгән экспонатлар булачак”, - диде музей директоры Эльвира Низаметдинова.
Казанда Максим Горький урамы 18 йорт буенча урнашкан музей 3-5 ел эчендә әзер булыр дип көтелә.