Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
«Салават күпере» торак комплексындагы төзелә торган ике йортның подрядчысы алышына
«Камгэсэнергострой» ачык акционерлык җәмгыяте урынын «Строитель+» оешмасы ала.
(Казан, 7 август, «Татар-информ», Диана Авакян). «Салават күпере» торак комплексындагы подрядчысы «Камгэсэнергострой» ачык акционерлык җәмгыяте булган 12-2 һәм 12-3 нче йортларны «Строитель+» оешмасына тапшырганнар. Мондый карарны Татарстан Президенты каршындагы Дәүләт торак фонды кабул иткән, дип җиткерә республиканың Төзелеш, архитектура һәм торак-коммуналь хуҗалык министрлыгы порталы.
«Төгәлләнмәгән төзелешнең кабул итү-тапшыру процедурасы башланды. Әлеге йортларда эшләр тиздән дәвам итәчәк. Хәзерге вакытта «Строитель+» 12-1 йортында төзелеш-монтаж эшләрен тәмамлый , — диелә хәбәрдә.
Моннан тыш, 12-2 һәм 12-3 йортларында заказ бирүче алышынган. «Ак Барс Инжиниринг» компаниясен Казан Башкарма комитетының Капиталь төзелеш һәм реконструкция идарәсе алыштырачак.
Искәртеп узыйк, «Камгэсэнергострой» оешмасы «Салават күпере» микрорайонында биш йортны торгызды, әмма эшләү тизлеге кимү сәбәпле суд тикшерүенә китергән бәхәс барлыкка килде.
Кызыклы яңалыкларны күзәтеп бару өчен Телеграм-каналга язылыгыз