Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
«Салават Күпере» торак комплексында кран ауганда беркем дә зыян күрмәгән
Якынча мәгълүматлар буенча, РДК маркалы үзйөрешле кран ауган.
(Казан, 5 август, «Татар-информ»). Казанда «Салават күпере» торак комплексының төзелеп килүче объектларының берсендә кран ауган. Бу хакта «Татар-информ»га мәгълүматны Татарстан Төзелеш, архитектура һәм торак-коммуналь хуҗалык министрлыгы матбугат хезмәтендә расладылар.
Башлангыч мәгълүмат буенча, РДК маркалы үзйөрешле кран ауган.
«Бу кран бүген эшләмәде, ул плитәләрдә басып торды, көчле яңгыр аркасында нигезе юылган, плитәләр кыйгайган, кран, тотрыклылыгын югалтып, ауган. Кабинада кранчы юк иде, корбаннар юк», - дип өстәп әйттеләр Татарстан Төзелеш министрлыгы матбугат хезмәтендә.
Объектта эшләрнең подрядчысы - «Тимерханстрой» ҖЧҖ, заказчысы - Татарстан Баш инвестицион-төзелеш идарәсе, техник заказчысы - Казан Капиталь төзелеш һәм реконструкция идарәсе.
Ростехнадзорның Идел буе идарәсендә әлеге хәлне шәрехләүдән баш тарттылар.
Кызыклы яңалыкларны күзәтеп бару өчен Телеграм-каналга язылыгыз