Җәмгыять 28 гыйнвар 2017 20:02

“Салават күпере” торак комплексы территориясендә файдаланышка тагын бер йорт кертелә

“Салават Купере” торак комплекс объектларында бүген 2 мең кеше эшли.

Скопировать ссылку

(Казан, 28 гыйнвар, “Татар-информ”, Арсений Маврин). 10 гыйнвардан “Салават Купере” торак комплексы объектларында эшләүче белгечләрнең саны дүрт тапкыр арткан. Бүген йортларны төзү белән 2 мең кеше шөгыльләнә.

Бу мәгълүмат Татарстан Республикасы Хөкүмәт Йортында узган киңәшмәдә яңгырады. Аның рәисе Татарстан Республикасы Президенты Рөстәм Миңнеханов иде. Шулай ук киңәшмә эшчәнлегенә видеоконференция режимы аша барлык район башлыклары да кушылды.

“Дәүләт төзелеш күзәтчелеге февраль аенда “Ак Таш” төзелеш компаниясенең 200 дән артык фатирлы йортын кабул итүгә, ул файдаланышка тапшырылачак”, – диде Татарстан Республикасы төзелеш, архитектура һәм торак-коммуналь хуҗалыгы министры Ирек Фәйзуллин.

“Бүген төп максат – расланган төзелеш һәм объектлар тапшыру графигын булдыру. Торак фондын, заказ бирүчеләрне йортларны тапшыру срогын үтәү, куелган сорауларны тиз чишү өчен кирәкле әйберләрне финанслауны төгәл билгеләргә чакырам”, - дип мөрәҗәгать итте Татарстан Республикасы төзелеш, архитектура һәм торак-коммуналь хуҗалыгы министры программаны тормышка ашыру өчен җаваплы структура җитәкчеләренә.

#Ирек Фәйзуллин #Ак таш

Сәхифәләр

“Салават күпере” торак комплексы территориясендә файдаланышка тагын бер йорт кертелә