"Салават Күпере"ндә чираттагы йорт тапшырылырга әзерләнә
Яңа төзелгән йортка социаль ипотека программасы нигезендә 300ләп кеше күчәчәк.
Скопировать ссылку
(Казан, 18 декабрь, “Татар-информ”). Казанның “Салават Күпере” торак комплексында эшләр кварталда иң соңга калып барган 11-2 йортына техник яраклылык турында нәтиҗә алынган. Бу хакта “РБК-Татарстан” Татарстан торак фонды мәгълүматына сылтама белән хәбәр итә.
“Хәзерге вакытта объектны файдалануга тапшыру буенча гариза әзерләнә", – дип билгеләп үттеләр Татарстан торак фондында.
Социаль ипотека программасы нигезендә төзелгән яңа йортка 300ләп кеше күчә. Күченүчеләр арасында яшь гаиләләр, грант алучы табиблар, яшь укытучылар да булачак.