Салават августта татар артистлары арасында медиа активлык буенча беренче урынны алган
Татарстанның һәм Башкортстанның халык артисты, Россиянең атказанган артисты Салават Фәтхетдинов август йомгаклары буенча Телеграммда татар эстрадасы йолдызларының медиа активлыгы рейтингында беренче урынны алган. Бу хакта «Еду в Татарстан» каналы хәбәр итә.
Украина пилотсыз очкычларының Түбән Камага һөҗүме аркасында артистның традицион концерты кичектерелү турындагы пост халыкның иң зур игътибарын җәлеп иткән. Язма 518 347 тапкыр каралган.
Икенче урында Гүзәл Уразова, өченче урында Ришат Төхвәтуллин. Дүртенчедән унынчыга кадәр позицияләрдә Радик Юльякшин (Элвин Грей), Фирдүс Тямаев, Эльмира Кәлимуллина, Илсөя Бәдретдинова, Айдар Галимов, Ринат Рәхмәтуллин һәм Илмира Нәгыймова урнашкан.