Сәламәтлек саклау министры Миңнуллин Лисичанскида сигез операция ясады
ТР Сәламәтлек саклау министрлыгы башлыгы Марсель Миңнуллин шефлыкка алынган Лисичанск шәһәрендә командировка вакытында сигез операция ясады. Мәгълүмат ТР Сәламәтлек саклау министрлыгы рәсми телеграм-каналында пәйда булды.
«Мин Лисичанск шәһәрендә. Сигез операция ясалды. Иртәнге 9:00 сәгатьтә башладык, менә яңа гына (Мәскәү вакыты буенча 21:48 – ред.ТИ) соңгы операцияне тәмамладык. Барысы да штат режимында үтте!» - диде ул.
Бу ТР Сәламәтлек саклау министрлыгы башлыгының шефлыкка алынган төбәккә беренче сәфәре түгел. Агымдагы елның май аенда Марсель Миңнуллин Лисичанскида ремонтланган хастаханәне ачу тантанасында катнашты. «Без, шеф-төбәк буларак, Рәисебез Рөстәм Миңнеханов җитәкчелегендә, тыныч халыкка сыйфатлы медицина хезмәте күрсәтү өчен мөмкин кадәр барысын да эшләячәкбез», – дип билгеләде ул вакытта министр.