Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Сәламәтлек саклау министрлыгында 100 яшькә кадәр яшәү серләре турында сөйләделәр
Холестерин һәм глюкоза дәрәҗәсен күзәтү, профилактик тикшерүләр, физик активлык һәм зарарлы гадәтләрдән баш тарту нәтиҗәсендә кеше 100 яшькә кадәр яшәргә мөмкин, дип, РФ Сәламәтлек саклау министрлыгының штаттан тыш баш гериатры, РФА әгъза-корреспонденты Ольга Ткачевага нигезләнеп, РИА Новости яза.
«Профилактик тикшерүләр узарга, кан басымы, холестерин һәм глюкоза дәрәҗәсен күзәтергә кирәк. Бу – кан тамырларының иртә картаюын билгели торган күрсәткечләр. Әгәр кеше үзенең сәламәтлеге аның кулында икәнен аңлый икән, аның 100 елга кадәр яшәргә бөтен шансы бар», - диде Ткачева.
Ул тормышны озайтуның иң дәлилләнгән һәм нәтиҗәле ысулы - яшәү рәвешен алыштыру, дип өстәде. Әйтик, зарарлы гадәтләрдән баш тарту, физик, когнитив һәм социаль активлык, дөрес туклану гомерне озайтырга ярдәм итәчәк, диде.
Ткачева сүзләренчә, күп кеше гомер озынлыгы генетикага бәйле дип уйлый. Әмма бу алай түгел. Еш кына озак яшәүчеләр гаиләсендә яшьли үлүчеләр бар. Һәм, киресенчә, нәселдә озын гомерлеләр булмаса да, кеше 100 яшькә җитәргә мөмкин.
Кызыклы яңалыкларны күзәтеп бару өчен Телеграм-каналга язылыгыз