news_header_top
16+
news_header_bot
news_top

Саклану министрлыгы: Узган төндә Россиядә 59 Украина пилотсыз очкычы юк ителде

Узган төндә Һава һөҗүменә каршы оборона гаскәрләре Россия территориясендә 59 Украина пилотсыз очкычын бәреп төшергән. Бу хакта РИА Новости РФ Саклану министрлыгына сылтама белән хәбәр итә.

35 БПЛА көньяк төбәкләрдә, шул исәптән Кара диңгез акваториясендә һәм Краснодар краенда юк ителгән. Тагын берничә пилотсыз очкыч Брянск, Липецк, Калуга өлкәләрендә, шулай ук Кырым һәм Азов диңгезендә бәреп төшерелгән. Алты БПЛА илнең үзәк өлешендә юк ителгән.

Саклану министрлыгында ассызыклауларынча, илдәге объектларга карата һөҗүмнәргә җавап итеп Россия армиясе югары төгәллекле корал һәм дроннар белән Украинаның хәрби нокталарына һәм оборона сәнәгате предприятиеләренә генә һөҗүм итә.

news_right_1
news_right_2
news_bot