Саклану министрлыгы 63 хәрбинең Украина әсирлегеннән азат ителүе турында хәбәр итте
63 хәрби Украина әсирлегеннән азат ителде. Шулай итеп, 2023 елда Россия белән Украина арасында икенча тапкыр әсирләр алмашынды. Бу хакта Россия Саклану министрлыгы хәбәр итә.
Барлык хәрбиләр дә Россия территориясенә чыгарылды. «Азат ителгән Россия хәрби хезмәткәрләре төркеме составына «сизгер категория» затлары кертелде, аларны алмашу Берләшкән Гарәп Әмирлекләре җитәкчелегенең арадашчылык көче ярдәмендә мөмкин булды», - диелә хәбәрдә.
Хәзер хәрбиләргә психологик һәм медицина ярдәме күрсәтелә.