Саклану министрлыгы: Мобилизацияләнүчеләр махсус операция зонасыннан ялга кайта башлады
Мобилизацияләнгән хәрби хезмәткәрләр махсус операция зонасыннан ялга кайта башлады. Бу хакта ТАСС агентлыгы РФ Саклану министрлыгына сылтама белән хәбәр итә.
Ведомство мәгълүматларыннан күренгәнчә, ялга контракт буенча хезмәт итүчеләр кайта.
Искәртеп узабыз, Россия Президенты Владимир Путин Федераль Җыенга юлламасында махсус хәрби операциядә катнашучыларга ял бирергә кушты. Ул билгеләп үткәнчә, хәрбиләр ярты елга бер тапкыр кимендә 14 көн (моңа юлга киткән вакыт керми) ял итәргә тиеш.