Хәвеф-хәтәр 16 март 2017 11:58

Сак астындагыларның тәртибе яхшы булганда, колония янәшәсендә яшәргә рөхсәт итәчәкләр

Юстиция министрлыгы колонияләрнең эчке тәртибенә төзәтмәләр әзерләгән.

Скопировать ссылку

(Казан, 16 март, «Татар-информ»). Сак астындагыларның тәртибе яхшы булганда аларга колония янәшәсендә яшәргә рөхсәт итәчәкләр. Юстиция министрлыгы колонияләрнең эчке тәртибенә төзәтмәләр әзерләгән. Бу хакта "Российская газета" хәбәр итә.

Документ үзләрен яхшы яктан күрсәтүчеләрнең җәзасына җитди йомшартулар кертә. Хөкем ителүчене тәртибе яхшы булып, җиңелчә шартларга күчерәләр икән, срогы тәмамланырга ярты ел кала аны сактан азат итәргә мөмкиннәр. Бу инде кеше төрмәдән чыгып, сактан башка иректә йөри ала дигән сүз, чөнки аңа ышаналар.

Моннан тыш, ул колония янәшәсендә гаиләсе белән бергә яши ала. Билгеле, бу вакытта хөкем ителүче хакимият күзәтүендә була.

Әлеге мөмкинлекләр кешегә сак астыннан чыгып, кабат иректә яшәүгә күчүгә ярдәм итәчәк. Юстиция министрлыгының максаты – җинаятьчелек белән араны өзеп, төзәлеп яшәргә тырышучыга таләпләрне йомшартып, үтә күренмәле система булдыру. Бу хакта күптән түгел узган идарә тармагы коллегиясендә дә әйтелгән.

#Колония #юстиция министрлыгы

Сәхифәләр

Сак астындагыларның тәртибе яхшы булганда, колония янәшәсендә яшәргә рөхсәт итәчәкләр