Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары вазифасын башкаручы
Зилә Мөбәрәкшина
Шәйхразыев Татарстан белән Беларусь арасында элемтәләрне ныгыту турында сөйләште
15 апрель көнне Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев Россиянең Беларусиядәге илчесе киңәшчесе Петр Фролов белән очрашты. Бу хакта Бөтендөнья татар конгрессы матбугат хезмәте хәбәр итә.
Очрашу барышында ике республика арасындагы хезмәттәшлек перспективалары, мәдәни һәм иҗтимагый проектлар хакында фикер алыштылар. Аерым алганда, Бөтендөнья татар конгрессы алып бара торган проектлар, шулай ук аларны Беларусь җирлегендә гамәлгә ашыру мөмкинлекләре телгә алынды.
Әңгәмәдә татарларның Татарстан белән Беларусь арасындагы элемтәләрне ныгытуда тоткан әһәмиятле роле дә ассызыкланды. Ике як та, диаспора вәкилләренең милли үзаңны саклауда һәм мәдәни багланышларны үстерүдә актив катнашуын югары бәяләде.
Моннан тыш, әңгәмәдә Бөек Җиңүнең 80 еллыгын билгеләп үтүгә багышланган чаралар планы турында да фикер алыштылар. Тарихи хәтерне саклау, яшь буынга патриотик тәрбия бирү — уртак максатлар буларак билгеләнде.
Кызыклы яңалыкларны күзәтеп бару өчен Телеграм-каналга язылыгыз