Сайлау көнендә Сокурыда авыл хуҗалыгы ярминкәсе оештырганнар
Скопировать ссылку
Татарстан Рәисен һәм җирле үзидарә депутатларын сайлау көнендә Сокуры авылында «Ихсан» мәчете авыл хуҗалыгы ярминкәсе оештырган. Чарада Лаеш районы бакчачылары һәм питомниклары катнашкан. Бу хакта муниципалитет администрациясенең матбугат хезмәте хәбәр итә.
Көнне кояшлы булуы да ярминкә өчен уңай шартлар булдырган. Ярминкәдә олы кешеләр дә, кечкенәләр дә катнашкан.
«Бу Лаеш мөхтәсибәте уздыра торган беренче генә чара түгел. Безнең район – уртак йортыбыз һәм без җәмгыятебезнең бердәмлеген саклау өчен булдыра алганча көч куябыз», – диде район мөхтәсибе Наил хәзрәт Әбелханов.
Фото: © Муниципалитет администрациясенең матбугат хезмәте