Шадаев: Татарстанда бюджет учреждениеләре тулысынча Россия операцион системасына күчәчәк
Татарстан хакимият органнарында һәм бюджет учреждениеләрендә барлык эш урыннарын Россиядә ясалган Astra Linux операцион системасына күчерү турындагы килешүне имзалады. Бу хакта Kazan Digital Week форумын ябу тантанасында Россия цифрлы үсеш, элемтә һәм массакүләм коммуникацияләр министры Максут Шадаев хәбәр итте.
«Төбәк цифрлаштыру базарында иң зур килешүне раслау бар. Татарстан Республикасы хакимият органнарында һәм бюджет учреждениеләрендә барлык эш урыннарын үзебезнең операцион системага күчерү турында килешү имзалады», - дип белдерде Шадаев.
Ул аңлатканча, сүз 150 меңнән артык эш урыны турында бара. Срокларга килгәндә, Шадаев конкрет даталарны атамый.
Россия Президенты Владимир Путин йөкләмәсе һәм инициативасы буенча Россиядә «Цифрлы икътисад» илкүләм проекты гамәлгә ашырыла. «Без Россиянең һәм безнең җәмгыятьнең чын технологик, цифрлы һәм шактый дәрәҗәдә мәдәни, мәгарифле, кыйммәткә ия суверенитетын формалаштыруга сәләтле булырга тиеш», - дип билгеләп үткән иде дәүләт башлыгы.