Җәмгыять 20 сентябрь 2023 20:47

Шадаев: Россиядә VPN-сервисларны кулланган өчен җаваплылык кертелмәячәк

Скопировать ссылку

Россиядә тыелган VPN-сервисларны кулланган өчен җаваплылык кертү планлаштырылмый. Россия Цифрлы үсеш, элемтә һәм массакүләм коммуникацияләр министрлыгы башлыгы Максут Шадаев Kazan Digital Week форумы кулуарында журналистларга шулай дип белдерде. Бу хакта РИА Новости хәбәр итә.

«Җаваплылык булмаячак. Тыелган VPN-сервисларны куллану өчен җаваплылык кертү планлаштырылмый», — диде Шадаев.

Элегрәк сентябрьдә норматив хокукый актлар проектлары порталында Роскомнадзор боерыгы проекты дөнья күрде. Аның нигезендә, регулятор үз эченә блокадаларны урап узу турында мәгълүматы булган сайтларга керүне чикли ала.

2017 елның ноябрендә VPN-сервис һәм анонимайзер куллануны тыю турында закон үз көченә керде. Алар аша Россиядә тыелган мәгълүматка керергә мөмкин. Документ анонимайзерлар һәм VPN-сервис хуҗаларын 30 көн эчендә Федераль дәүләт мәгълүмат системасына тоташырга һәм Роскомнадзорның кара исемлегенә кергән ресурсларга керүне ябарга мәҗбүр итә. Югыйсә, аларның үзләрен тыялар. Эзләү операторлары блокланган ресурсларга сылтама күрсәтүне сүндерергә тиеш.

Сәхифәләр

Шадаев: Россиядә VPN-сервисларны кулланган өчен җаваплылык кертелмәячәк