Сәхифәләр
«Татар-информ» мәгълүмат агентлыгы баш редакторы
Ринат Вагыйз улы Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор урынбасары
Зилә Мөбәрәкшина
Шадаев чит илгә киткән айтишникларга читтән эшләүне тулысынча тыю турында фикерен әйтте
Россия Федерациясенең цифрлы үсеш, элемтә һәм массакүләм коммуникацияләр министры Цифрлы үсеш, элемтә һәм массакүләм коммуникацияләр министры Мәкъсут Шадаев сүзләренчә, Россиядән чит илләргә киткән IT-белгечләргә читтән торып эшләүне тулысынча тыю вакытыннан алда ясалган адым булыр иде. Бу хакта ул Дәүләт Думасында хөкүмәт сәгатендә белдерде, дип хәбәр итә РБК.
«Без фикер алышырга тәкъдим иткән төп чара – хезмәткәрләр өчен читтән торып эшләүгә катгый чикләү кертү түгел, чөнки бу, әлбәттә, аларны чит ил компанияләренә эшкә урнашырырга этәрәчәк һәм аларны безнең илгә кайтару мөмкинлеген киметәчәк», – дип аңлатты министр.
Шул ук вакытта Шадаев дәүләт мәгълүмат системаларында эшләүче белгечләр өчен читтә эшләүгә чикләүләр кертелергә мөмкин булуын белдерде. Моның өчен, аның сүзләренчә, шундый таләпләрне контрактларга кертергә була.
Профильле ведомство башлыгы бәяләвенчә, агымдагы елның ике миграция дулкыны вакытында (Украинада махсус хәрби операция башланганнан соң һәм өлешчә мобилизация игълан ителгәннән соң) IT-компания хезмәткәрләренең якынча 10 проценты илдән киткән һәм кайтмаган.
«Якынча 100 мең IT-белгеч хәзер безнең илдән читтә. Шул ук вакытта аларның 80 проценты дустанә илләрдән Россия компанияләренә эшләвен дәвам итә», – дип ачыклык кертте ул.
Декабрь башында Федерация Советының Дәүләт төзелеше һәм конституция законнары комитеты рәисе Андрей Клишас өлешчә мобилизация башланганнан соң киткән россиялеләр өчен чикләүләр кертелергә мөмкин булуын белдерде, ә аннары шундый закон проекты эшләүне раслады.
Сенатор фикеренчә, читтән эшләүне дәүләт секторы һәм транспорт куркынычсызлыгы кебек төп тармак эшчеләре өчен чикләргә кирәк. Шул ук вакытта Россия Федерациясенең Цифрлы үсеш, элемтә һәм массакүләм коммуникацияләр министрлыгы чит илдәге айтишниклар өчен читтән торып эшләүне тыюга каршы чыкты.
Кызыклы яңалыкларны күзәтеп бару өчен Телеграм-каналга язылыгыз