news_header_top
16+
news_header_bot
news_top

Сабаның Шәмәрдән участок хастаханәсендә яңа районара гериатрия бүлеге ачылды

Саба районы Шәмәрдән участок хастаханәсендә яңа районара гериатрия бүлеге ачылды. Әлеге бүлек 15 пациент өчен исәпләнелгән. Бу хакта http://saby-rt.ru/ хәбәр итә.

Бүлек эшенең төп юнәлеше – 65 яшьлек һәм өлкәнрәк кешеләрне реабилитацияләү һәм дәвалау.

Яңа бүлек Саба һәм Теләче районнарыннан беренче пациентларны кабул итте.

Бүлек капиталь ремонттан соңгы бинада урнашкан, кирәк-яраклар белән тулысынча җиһазландырылган.

Гериатрия бүлегендә дәвалануга юлламаны участок терапевты һәм гериатр бирә.

news_right_1
news_right_2
news_bot