Сабаның Кече Шыңар авылында «Күңелле күршеләр» фольклор бәйрәме булды
Сабаның Кече Шыңар авылында «Күңелле күршеләр» фольклор бәйрәме узды. Мәдәният йорты бу көнне гореф-гадәтләр, халык көйләре, биюләр, халык уеннары белән гөрләп торды. Бу хакта «Саба таңнары» хәбәр итә.
Күршеләре – Оет авылыннан «Зөбәрҗәт», Сабай авылыннан «Гәрәбә», Миңгәр авылыннан «Былбылым» фольклор коллективларын халык иҗатына рухландыручы итеп күрү бик куандырды! Бу шартларда, халык иҗаты һәм чын кыйммәтләр барыбер безнең күңелләребезне ача. Кунакларны икмәк һәм тоз белән каршы алдылар, капка аша җырлар һәм биюләр белән үткәрделәр.
Бакчада, каен янында «Түгәрәк уен» уйнадылар, самовар кайнап чыккач, коймак пешкәч, бергәләп чәй эчтеләр.
Бәйрәмнең төп өлеше булып тамаша залында «бәйрәм түгәрәгендә» чыгышлар булды. Һәр коллектив үз авылына хас булган йоланы күрсәтте. Бәйрәм биюләр, уен–көлке белән аралашып барды.