«Сабантуй» журналының туры эфирында Ландыш Нигъмәтҗанова интервью бирәчәк
Журнал редакциясе башлап җибәргән яңа «Әни блогерлар» проекты кысаларында атна саен блогер әниләр белән туры эфирда әңгәмә уза.
(Казан, 10 июнь, «Татар-информ»). «Сабантуй» журналының туры эфирында Татарстанның атказанган артисты Ландыш Нигъмәтҗанова интервью бирәчәк.
Интервью 11 июнь көнне 16.00 сәгатьтә журналның инстаграм аккаунтында узачак. Журнал редакциясе башлап җибәргән яңа «Әни блогерлар» проекты кысаларында атна саен блогер әниләр белән туры эфирда әңгәмә уза.
Бер сәгатькә якын сөйләшүдә балаларны тәрбияләү, интернетта үз исемеңне булдыру, блог алып бару серләре турында фикер алышу бара. Әңгәмәләрнең барысы да igtv форматында аккаунтта саклана. Иң кызык җаваплар шулай ук «Сабантуй» журналының сайтында урын ала.
Проект кысаларында Айсылу Лерон, Лилия Муллагалиева, Энҗе Нармаева, Альбина Фазлыева, Гүзәл Уразова белән әңгәмәләр узды.