Сабантуйга милли киемнәр киеп баручы гаиләләр өчен фотобәйге дәвам итә
Скопировать ссылку
Узган ял көннәрендә Татарстанда беренче Сабантуйлар узды. «Татар-информ» «Нарядный Сабантуй – 2026» конкурсында катнашу өчен фотосурәтләр кабул итүне дәвам итә.
Бәйгедә катнашу шартлары:
- 26 июньгә кадәр гаиләгез белән Сабантуйда милли киемнәр киеп төшкән фотосурәтне «ВКонтакте» социаль челтәренә #НарядныйСабантуй2026 хештегы белән урнаштырырга;
- Гаиләнең фамилиясен һәм торак пунктны күрсәтергә;
- Фотода гаилә булырга тиеш: ир белән хатын, әти-әни белән балалар, яисә өлкән буын вәкилләре – әбиләр һәм бабайлар;
- Бер кешенең яисә иҗат коллективларының фотолары кабул ителми;
- Конкурста бары тик 2026 елгы Сабантуйларда төшерелгән фотосурәтләр генә катнаша ала;
- Фотода төрле халыкларның милли киемнәре булырга мөмкин;
- Бер гаиләдән бары тик бер генә эш кабул ителә;
- Конкурс вакытында катнашучының «ВКонтакте» сәхифәсе ачык булырга тиеш.
Конкурс этаплары:
- Эксперт комиссиясе иң яхшы 30 фотоны сайлап алачак;
- 1 июльдә алар «Татар-информ» сайтында урнаштырылачак, шуннан соң халык тавыш бирүе башланачак;
- Тавышларны ясалма рәвештә арттырган очракта, катнашучы конкурстан төшеп калачак;
- Нәтиҗәләр 8 июльдә – Гаилә, мәхәббәт һәм тугрылык көнендә билгеле булачак.
Өч җиңүче бүләкләр алачак.