Сабада чаңгы сезонын яптылар
Спортчылар шәхси ярышларда һәм эстафетада көч сынашты.
(Саба, 13 апрель, "Татар-информ", "Саба таңнары"). Байлар Сабасы трассасында чаңгы сезоны ябылуга багышланган ярышлар үткәрелде. Бәйгене ачу тантанасында район башлыгы урынбасары Расих Закирҗанов катнашты, дип яза җирле басма.
Спортчылар шәхси ярышларда һәм эстафетада көч сынашты. Укучылар арасында Галия Шәрифуллина, Фаил Гарипов, Сабина Хәбирова, Салават Галиев, Рамилә Сәүбәнова, Рамил Шакиров җиңүчеләр булдылар. Хатын-кызлар арасында төрле яшь категориясендә иң яхшы нәтиҗәне Алия Мөбарәкова, Олеся Хәбирова, Хания Галимуллина, ир-егетләр узышында Алмаз Таипов, Данил Ганиев, Азат Галиев, Дамир Шакирҗанов, Әмин Миңнегулов күрсәтте.