Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саба ветераннары 1942 елда Тильзит лагеренда вафат булган якташлары турында мәгълүмат эзли
Зиннәт Гыйззәтуллинның шәхесен ачыклау буенча сораштырулар һәм эзләнү эшләре алып барыла.
(Казан, 19 ноябрь, "Татар-информ", "Саба таңнары") 2016 елның март аенда Татарстан Республикасы Ветераннар (пенсионерлар) советына Пермь өлкәсеннән хат алына. Әлеге хатта Орда районы Ветераннар советы рәисе Фирдәвес Латыйпов якташы – Мерекаи авылында туган, сугыш елларында әсирлеккә төшеп Герой-шагыйрь Муса Җәлилнең көрәштәше булган Нәҗип Гәрәевнең раславынча, Саба районы кешесе Зиннәт Гыйззәтуллинның 1942 елда Көнчыгыш Пруссиянең Тильзит лагеренда вафат булуы турында әйтелә.
Кызганычка, Нәҗип Гәрәев үзе хәзерге вакытта гүр иясе булган. Аның лагерь тормышы, Муса Җәлилнең көрәштәшләре турында хатирәләре теркәлгән кулъязмалар сакланып калган. Республиканың Ветераннар советы Пермьнән Фирдәвес Латыйповтан килгән хатны Татарстанның Саба районы Ветераннар оешмасы рәисе Расих Cабиров исеменә юллаган.
Зиннәт Гыйззәтуллинның шәхесен ачыклау буенча сораштырулар һәм эзләнү эшләре алып барыла. Хәзерге вакытта аның кайсы авылда туганлыгы, яше һәм армиягә алынганчы нинди эш башкарганлыгы турында төгәл генә мәгълүматлар юк.
Зиннәтулла Гыйззәтуллин турында белүчеләр булса, бу хакта район Ветераннар советына яисә Саба районының “Саба таңнары” газетасы редакциясенә хәбәр итсеннәр иде, дип яза район газетасы.
Кызыклы яңалыкларны күзәтеп бару өчен Телеграм-каналга язылыгыз