Саба үзәк район хастаханәсенең актлар залында йөкле пациентлар өчен атналык дәрес булды
Скопировать ссылку
Саба үзәк район хастаханәсенең актлар залында йөкле пациентлар өчен атналык дәрес булды. Лекцияне педиатр-табиб Диләрә Хафизова укыды, ул яңа туган балага бүлмә әзерләү һәм аны карау үзенчәлекләре турында сөйләде. Бу хакта https://saba-rt.ru хәбәр итә.
Очрашуга шулай ук ЗАГС бүлеге җитәкчесе Миләүшә Вакказова һәм баш белгеч Гөлнара Мифтахова килде.
Миләүшә Вакказова яңа дәүләт хезмәтләре сервисы — «Бала туу суперсервисы» аша бала тууны теркәү шартлары турында җентекләп сөйләде. Ул сабыйның беренче рәсми кәгазен алу өчен нинди документлар кирәклеге турында сөйләде.
Булачак әниләрнең барысына да тууны теркәү процедурасы буенча кыскача белешмәләр бирелде.