Саба районының рәсем укытучылары республика конкурсы финалына чыккан
Конкурс финалына барлыгы җиде номинация буенча 76 катнашучы узган.
(Казан, 5 ноябрь, "Татар-информ"). "Саба балалар сәнгать мәктәбе"нең рәсем укытучылары "Татарстан Республикасының Туристлык сувениры-2019" конкурсында финалга үтте. Бу турыда Саба муниципаль районы матбугат хезмәте хәбәр итә.
Әлеге бәйге 3 этапта узды. Барлыгы 7 номинация буенча 317 гариза тәкъдим ителгән иде. Алар - этнографик милли сувенир, шәһәр һәм туристлык маршруты сувениры, Музей сувениры, сувенир – уенчык, төрү продукциясе, инновацион сувенир һәм ТАССРның 100 еллыгына багышланган сувенирлар.
Саба балалар сәнгать мәктәбенең рәсем бүлеге укытучылары Г.Газизова һәм Э.Галиева беренче 2 этап нәтиҗәләре буенча финалга чыкты һәм истәлекле дипломнар белән бүләкләнде.
Конкурс финалына барлыгы җиде номинация буенча 76 катнашучы узган. Алар арасында сәнгать мәктәбе укытучылары эшләре дә бар.