Саба районындагы Шәмәрдән лицееннан шөпшәләрне коткаручылар куган
Бөҗәкләр Ф.Кәрим урамындагы 2 нче бинаның кәрнизендә оя үргән булган.
Скопировать ссылку
(Казан, 10 август, «Татар-информ»). Татарстанның Саба районында коткаручылар Шәмәрдән лицееннан шөпшәләрне куган. Бу хакта “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.
Шөпшә оясын Ф.Кәрим урамындагы 2 нче бинаның кәрнизендә тапканнар. Бөҗәкләр агрессив булган.
4 нче зональ эзләү-коткару отряды хезмәткәрләре ояны кәрниздән алганнар һәм урманга илткәннәр.