Саба районында Нәүрүз бәйрәме уңаеннан ярминкә узды
Ярминкәгә килүчеләргә ботка да тәкъдим ителде.
(Саба, 16 март, "Татар-информ","Саба таңнары", Фәнил Мәүлетов). Бүген Саба район үзәгендә Нәүрүз бәйрәме уңаеннан ярминкә узды. Бу турыда җирле басма хәбәр итә.
Район хуҗалыклары, оешма-предприятиеләре, шәхси эшмәкәрләр үз продукцияләрен халыкка тәкъдим итте. Ярминкәгә чыгучылар ит, сыер сөте, бал, май, йомырка, печән, салам, ашлык, ярылган утын алды, тәмләп ботка ашады.
Ярминкәгә күрше Теләче районыннан да килгәннәр иде. Шәхси эшмәкәр Рифкать Шафиковның "Туган авылым"ы күчермәсе янында шашлык пеште, авыл өе мичендә коймак чыжлады, патефонга куелган грампластинкадан Илһам Шакировның онытылмас җырлары яңгырап торы.
Мәйданда Нәүрүз бәйрәме узды, халык спорт уеннарында катнашты.