Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саба районында бозаулар сарае түбәсеннән егылып төшкән эшче хастаханәдә үлгән
Ир-атта иминият тросы һәм махсус киемнәр булмаган, шулай ук ул мондый эшләр өчен инструктаж узмаган.
(Казан, 12 август, «Татар-информ»). Татарстанның Саба районында 61 яшьлек эшче бозаулар сарае түбәсеннән егылып төшеп һәлак булган. Бу хакта «Татар-информ» мәгълүмат агентлыгына Россия Тикшерү комитетының Татарстан буенча Тикшерү идарәсе җитәкчесе өлкән ярдәмчесе Андрей Шептицкий хәбәр итте.
«9 августта Саба районы Өтернәс авылында сөтчелек комплексының бозау сарае түбәсендә эшләгәндә 61 яшьлек ир - ат егылып төшеп имгәнгән. Ул хастаханәдә үлгән. Башлангыч мәгълүматларга караганда, ир-ат төзелештә кулланылучы баскычта 6 метр биеклектә булган һәм металл конструкцияне кискән», - дип сөйләде агентлыкка Шептицкий.
Эш вакытында ир-атта иминият тросы һәм махсус киемнәре булмаган, шулай ук ул тиешле укуларны узмаган һәм мондый төрдәге эшләргә махсус рөхсәте булмаган.
Тикшерүчеләр бу вакыйганың барлык сәбәпләрен ачыклыйлар, тикшерү нәтиҗәләре буенча процессуаль карар кабул ителәчәк.
Кызыклы яңалыкларны күзәтеп бару өчен Телеграм-каналга язылыгыз