Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саба районы халкы мобиль кабул итү пунктларына үтенечләрен язып бирде
Халыкны чираттагы кабул итүләр 16 һәм 28 август көннәрендә Лесхоз-Иштуган-Шәмәрдән-Эзмә, Олы Шыңар-Тимершык авыл, Саба шәһәр җирлекләрендә булачак.
(Саба, 8 август, "Татар-информ", "Саба таңнары", Фәнил Мәүлетов). Татарстанда "Бердәм Россия" партиясенең "Минем депутат" мобиль кабул итү пунктлары эшли башлады. Алар Саба районының кайбер авылларында да булды. Бу турыда җирле басма хәбәр итә.
Халыкның фикер тәкъдимнәрен Татарстан Дәүләт Советына сайланачак депутатлар үзләренең эшчәнлекләренә нигез итеп алачаклар.
Сатыш елдан-ел зурая, балалар күп туа, яшьләр күп. Шуңа күрә типовой бинага урнашмаган мәдәният учагының заман таләпләренә җавап бирмәве дә сизелә. "Мәдәният йортыбыз тәбәнәк, артистлар килсә сәхнәгә сыешмый, бизәнү бүлмәсе, бәдрәфе юк. Яңа мәдәният йорты кирәк. Мөмкин булса, безнең үтенечебезне кире какмавыгызны сорыйбыз",– дип язган иде Рауза Перегудова.
Сатышта шулай ук Мамай һәм Матросов урамына керү өчен бердәнбер күперне ремонтлауда, Совет һәм Суворов урамнарында күп балалы гаиләләр өчен бирелгән җир кишәрлекләренә йорт салу өчен ут, су, газ кертүдә депутатлардан булышлык көтәләр. Тузган йортта яшәүче үзенең торак шартларын яхшыртуда ярдәм сорады.
Алдан сөйләшеп куйгандай, шундый ук эчтәлектәге сорауларны Иске Икшермә, Арташ, Килдебәк авыл җирлекләрендә дә бирделәр. Гомумиләштереп әйткәндә, алдагы елларда күп балалы гаиләләргә бирелгән участокларның инфраструктурасын булдыру, тузган йортларда яшәп үз көчләре белән торак шартларын яхшырту эшенә керешкәннәргә булышу, интернет элемтәсен яхшырту мәсьәләләрен хәл итәргә кирәк булачак.
Җирлекләрнең авыл урамнарын кардан чистарту өчен махсус техникага ихтыяҗы бар. Бу көнне мобиль пунктка дүрт авыл җирлегеннән 14 кеше кабул итүгә килеп, үзләренең мөрәҗәгатьләрен язып калдырды. Халыкны чираттагы кабул итүләр 16 һәм 28 август көннәрендә Лесхоз-Иштуган-Шәмәрдән-Эзмә, Олы Шыңар-Тимершык авыл, Саба шәһәр җирлекләрендә булачак.
Кызыклы яңалыкларны күзәтеп бару өчен Телеграм-каналга язылыгыз