Сәхифәләр
«Татар-информ» мәгълүмат агентлыгы баш редакторы
Ринат Билалов
420066, Татарстан Республикасы, Казан, Декабристлар ур., 2нче йорт.
«ТАТМЕДИА» акционерлык җәмгыяте
«Татар-информ» мәгълүмат агентлыгы татар редакциясе
Баш редактор
Рәмис Латыйпов
Баш редактор урынбасары
Ләйсән Хафизова
Саба районының Курсабаш авылында татарча кино төшерелә
Саба районының Курсабаш авылында Әмирхан Еники әсәрләренә нигезләнеп кино төшерелә башлады.
«Фильм бер гаилә мөнәсәбәтләре аша бәйләнгән, әмма төрле чордагы өч тарихны берләштерә. Вакыйгалар 1908 елда, 1941-43 елларда һәм хәзерге көндә бара», дип хәбәр итә «Татаркино» оешмасы.
«823 километр» дип аталган тулы метражлы нәфис фильмның сценарий авторы – Валерия Байкиева. Режиссерлар - Ирек Хафизов, Әмир Галиәскаров. Продюсер – Миләүшә Айтуганова.
Ирек Хафизов әйтүенчә, фильм Әмирхан Еникинең өч хикәясенә нигезләнгән. Болар - «Матурлык», «Кем җырлады?» һәм «Бер генә сәгатькә».
Фильмда Татарстанның халык артистлары Илдар Хәйруллин, Илдус Әхмәтҗанов, Алсу Гайнуллина, Татарстанның атказанган артистлары Әлфия Хәсәнова, Гөлчәчәк Хафизова, Фәнис Җиһаншин, артистлар Зөлфәт Закиров, Резеда Сәлахова, Илсаф Гыйззәтуллин катнаша. Шулай ук, Казан театр училищесы студентлары һәм Курсабаш авылы балалары җәлеп ителә.
Фильм Курсабашта 19 июльгә кадәр төшерелә. Икенче өлеше Казанда август башында төшереләчәк.
- Кинокартина Татарстан Республикасының «Татар халкының милли тәңгәллеген саклау» дәүләт программасы буенча төшерелә.
Кызыклы яңалыкларны күзәтеп бару өчен Телеграм-каналга язылыгыз