Саба районы ЗАГС бүлегендә 100нче бала теркәлде
Скопировать ссылку
Шушы көннәрдә Саба районы ЗАГС бүлегендә 100нче бала теркәлде. Бәхетле әти-әниләр Гөлинә һәм Алмаз Гариповлар кызларына Айлин исеме кушты. Айлин гаиләдә 4нче кыз булды. Бу хакта https://saby-rt.ru/ сайтында хәбәр ителә.
Гариповларны тормышларындагы бу шатлыклы вакыйгалары белән чын күңелдән тәбрик итәбез, аларга тигезлек, балаларын сау-сәламәт, бәхетле итеп үстерүләрен телибез, диелгән хәбәрдә.
Искәртеп үтәбез, статистика бүлеге мәгълүматлары буенча, быел район буенча туучылар саны күбрәк. Бу сан аермасы әниләрнең баланы Казан ЗАГСларында теркәүләре белән аңлатыла, диләр район ЗАГС бүлегендә.
Фото: © https://saby-rt.ru/